Comunu de Sestu: Fonti: "La Gazzetta del Medio Campidano": Sàbudu s’11 de làmpadas 2022 a is otu e mesu de a merì (20.30) ddoi at a essi in Sestu (in sa Crèsia N.S. de is Gràtzias) su Cuncertu a boxi e strumentus “Sonus antigus de Sardigna” innoi at a pigai parti su grupu Cuncordia a Launeddas (po contu de su Maistu Gianfranco Meloni) cun sa partetzipatzioni de Marianna Orrù (mesu sopranu) e Pasquale Perra (pianoforti). 

Comunu de Seddori: Fonti: "La Gazzetta del Medio Campidano": S’ úrtimu atòbiu at a essi su 24 de làmpadas cun Maria Francesca Chiappe, “Non è lei”, e Giovanni Follesa, “We are Family”; is duus scritoris ant a presentai is librus insoru a su pùblicu in su Casteddu de Seddori.

Comunu de Nuràminis: S'Avis Nuraminis cumbidat a totu sa tzitadinàntzia a partecipai a s’acontéssiu chi si fait cras s’11 de Làmpadas de is 5 e mesu de a merii in Pratza San Pietro. Spetàculus de maia, baby dance e unu muntoni de sorpresas ant a fai cumpangia a mannus e pipius. E a merenda gelau po totus!

Comunu de Ìsili: S’Assòtziu Equestre del Sarcidano organizat su “1° Rodeu Isilesu chi si fait s’11 de Làmpadas 2022 in su Campu Sportivu de ĺsili.  Su rodeu s’at a trasmiti in direta in sa pàgina facebook “Brontolo dice la sua”.

Comunu de Biddesatu: Funt obertas is iscritzionis po sa partecipatzioni a su féstival natzionali dedicau a is archívius "Archivissima 2022" ca si fait cun fainas in totu s’Itàlia de su 9 a su 12 de làmpadas.

Comunu de Biddanoa de Forru: Su Féstival Éntula torrat ancora una borta a Biddanoa de Forru. In s’atóbiu de gióbia 9 de làmpadas at a èssiri óspiti su scritori e cómicu Dario Vergassola. 

Comunu de Biddacidru: S'Ufítziu de Língua Sarda de sa Províntzia de su Sud Sardigna in collabboratzioni cun su Sistema Bibliotecàriu “Monti Linas” organizant s'ammosta bibliogràfica “Bachisio Bandinu” chi si fait de su 8 de Làmparas fintzas a su 28 de Làmparas 2022, in sa Biblioteca Comunali “Antonio Gramsci”, bia Regione Sarda 61, Biddacidru.

Comunu de Igrèsias: Su 5 de Làmpadas, in Pratza Miniera di Monteponi, S’Assótziu Elena e poi... partetzipat a su Progetu Natzionali de su “Giro d'Italia delle Cure Palliative Pediatriche”. Sport e spàssiu s’alliòngiant a sa temàtica umanística e sotziali.