Comunu de Aristanis: Fonti: "La Gazzetta del Medio Campidano": Alessandra Manca est una artista giòvuna de Aristanis chi si inditat cumenti a una “persona tranchilla ma cun d-una personalidadi a matrioska”.Intra is òperas suas si podint sinnai assumancu duus fil rouge, chi si acrarant me is illustratzionis realizadas:unu de custus elementus est, foras de dudas, sa figura de sa fèmina, pintada in dònnia òpera de Alessandra cumenti a protagonista assoluta, s'àteru est cussu de su bistiri traditzionali isolanu, utilizau a manera originali po no arrui in su stereotipu culturali. «Sa bistimenta sarda cun mimi si spollincat de dònnia velleidadi folkloristica». Una circa fata castiendi a is artistas sardus cumenti a Lai, Ciusa, Palazzi e Biasi, o famadus pintoris chena tempus cumenti a Paul Gauguin e Henri Matisse, in d-unu tretu personali chi bolit contai una boxi, unu messàgiu, una bidea.

Comunu de Gùspini: Reading Literàriu.

Comunu de Casteddu: Is interessaus, chi tenint is rechisidus prevìdius de su bandu, ant a depi presentai s’istàntzia apòsita po mesu de PEC. Sa domanda dda depeis presentai intro de giòbia su 28 de abrili 2022. Is sugetus interessaus podint averiguai is rechisidus chi serbint ligendi su bandu disponìbili in su situ istitutzionali de su Comunu de Casteddu.

Comunu de Serramanna: Fonti: "La Gazzetta del Medio Campidano": A pustis de su cuntzertu de su 25 martzu in Samassi de is piciocus de s’ensemble Kororā, immoi ant a essi is mannus de su coru Kairós a cantai su 2 de abrili, in sa Crèsia de Santu Ignàtziu in Serramanna. 

Comunu de Casteddu: Tra is initziativas de benefitzèntzia organizadas in tzitadi cumenti a sinnu de solidariedadi conca a s'Ucraina, ddoi at puru cussa de su Comunu de Casteddu, in collaboratzioni cun sa Fondatzioni Teatru Lìricu e su Conservatòriu de Mùsica G.P. De Pelestrina, ca giòbia su 7 de abrili 2022 a is noi oras de noti at a ospitai unu Cuncertu straordinàriu po sa paxi.

Comunu de Gùspini: Su tzírculu Auser de Guspini, in collaboratzioni cun l’ANPI Sardegna, organizat su 1 de Abrili s’initziativa: “Donne della Resistenza, Madri della Costituzione, Itinerari di Democrazia”. In ocasioni de su de setanta anniversàrius de s’intrada in vigéntzia de sa Costitutzioni Italiana, s'initziativa torrat a proponni in Gúspini puru s’ammosta  curada in totu de s’ANPI SARDEGNA, Assótziu Natzionali Partigianus, fundada de is partecipantis a sa resisténtzia italiana contras a s’ocupatzioni nazifascista, e ancora oi in prima línea in s’amparu de s’atuatzioni de sa costitutzioni.

Comunu de Turri e Comunu de Siddi: Fonti: "Sardegna Ieri Oggi Domani": Sa noa de sa serrada de is duas filialis de su Bancu de Sardigna at fatu arrennegai meda is síndigus de Turri Martino Picchedda e de Siddi Marco Pisanu, ca ant annuntziau gherra. «No a su sparéssiri de unu àteru servítziu po is citadinus in sa Marmilla nostra»: est su tzérriu ca si pesat de s’Unioni de is Comunus de sa Marmilla pustis de sa decisioni de serrai bintiduus filialis de su Bancu de Sardigna ca pertocat puru a is ufítzius de Siddi e Turri.

Comunu de Biddaspitziosa: Sa Pro Loco de Biddaspitziosa apariciat po domínigu 3 de abrili una passillada ecológica a Santu Cromàtziu e una gara non competitiva cun vísitas ghiadas a sa scoberta de su territóriu de sa bidda. A is 8.30 s’atóbiu de is chi partécipant in su parcu de su situ archeológicu de Santu Cromàtziu.