Comunu de Teulada: Cenàbura 11 de martzu 2022, oras de is 17:00 Sala Spiga, Domu Baronali (ananti pratza Parróchia). Su svilupu turísticu sosteníbili de Teulada. Presentatzioni de s’initziativa e de su percursu partecipativu.

Comunu de Biddaramosa: Labboratóriu de scacus po piciocheddus de is 11 a is 17 annus. Dónnia lunis de is 15.00 a is 17.00. Po is iscritzionis preguntai a s’ufítziu de is Servítzius Socialis intra de cenàbura 11 de martzu.

Comunu de Biddesartu: Bida sa situatzioni trista ca ci megat imboddicai sa popolatzioni UCRAINA e totu su mundu, in custas dis s’Amministratzioni Comunali, in collaboratzioni cun s’assótziu de PROTETZIONI CIVILI A.V.R.A. Biddesartu, est apariciendu una arragorta de dinai po pigai mexinas po pipius.

Comunu de Nuràminis: S’acontéssiu si fait in su Garden Hotel in Nuràminis (CA) sàbudu su 19 de Martzu e domínigu su 20 de Martzu 2022 de is 9 oras de a mengianu a is 8 de a merii.  

Comunu de Mara Arbarei: S’at a fai in Mara Arbarei sa de duus editzionis de sa Manifestatzioni po agiudai sa chirca apitzus de s'Endometriosi e Adenomiosi, organizada de is Acli Girasole. S’at a fai una passillada po is bias de sa bidda, in su matessi tempus cun totus is Comunus ca partécipant a s'initziativa.

Comunu de Santu 'Éngiu: Fonti: "La gazzetta del Medio Campidano": Cras, s’otu de martzu, a is noi oras de noti (21.00) in su Teatru Comunali de Santu’ Èngiu, at a essi rapresentau su spetàculu “Romeo e Giulietta”- s’amori est unu fragnòculu”, cun Anna De Franceschi, Michele Mori e Marco Zoppello.  Zoppello est puru regista e autori de su sugetu.

Comunu de Gùspini: Est previdia sa proietzioni de su film "Nome di Donna" in is domus a Corti sa dii 8 de Martzu a is 6 de a merii.S'initziativa chi pertocat a sa Dii Internatzionali de sa Fèmina. Est previdia sa proietzioni de su film "Nome di Donna" in is domus a Corti sa dii 8 de Martzu a is 6 de a merii. "Sa situazioni sanitària in dii de oi, po mori de sa Pandemia de Covid, at penalizau ancora de prus is Fèminas fendi prus grai s’arrolu insoru aintru de sa famìllia, e obbrighendiddas medas bortas a fai de mancu de trabballai e duncas a fai de mancu de s’autonomia e de s’indipendèntzia insoru.

Províntzia de su Sud Sardigna e Comunu de Gùspini: Sa Províntzia de su Sud Sardigna e su Comunu de Gùspini faint sciri a is tzitadinas e a is tzitadinus chi funt abertas is iscritzionis po su Cursu de Língua Sarda de I livellu (30 oras). Su cursu si fait in presèntziain Gúspini in s’ex sedi de su GAL in Bia San Nicolò (a su costau de sa Biblioteca) e in su matessi tempus in sa piataforma ZOOM, at a inghitzai gióbia su 10 de Martzu 2022 h. 15,30