Comunu de Biddesorris:Su Comunu de Biddesorris fait sciri a is tzitadinus chi in custu Comunu si fait su labboratóriu de Língua Sarda: "Fueddaiddu su Sardu" chi inghitzat lunis 23 de Meseidas 2019. Su labboratóriu est a indonu.

Comunu de Gùspini: S'Assessorau a is Servítzius Sotzialis, cun sa "coop. Laurus" chi amministrat su tzentru de Agregatzioni Sotziali organizat "aspettando il Natale". S'acontéssiu si fait su 12 de Meseidas de is cuatru de a merí (16.00) in is Domus a Corti.

Comunu de Arresi: Intra de su 12 e su 15 de Meseidas 2019 in Arresi si fait su festival tzinematogràficu "AngolAzioni", primu editzioni, organizau de su Comunu de Arresi imparis cun sa "Fondazione Paolo Cresci", Lucca, s'Istitutu de Cultura Italiana in Tunisi, sa Regioni Autònoma de Sardigna e s'Istitutu Cumprensivu "Taddeo Cossu". Si afrontat s'argumentu de is disterrus.

Comunu de Carbònia:  Cenàbara 13 de Meseidas 2019,in su Teatru Tzentrali de Pratza Roma, a is noioras mancu cuartu de a noti (20.45), Alessandro Vallin e Stefano Laconi funt is protagonistas de su spetàculu de su generi de su teatru cómicu-circensi, intitulau "Le Sommelier", organizau de su CEDAC cun s'agiudu de su Comunu de Carbònia.

Comunu de Arbus: Su Comunu de arbus, su 10 de Meseidas a is 11.00 (úndixi de a mengianu) in Pratza Mercau at prevídiu s'inauguratzioni de una panchina arrúbia.

Comunu de Pabillonis: Su Comunu de Pabillonis, imparis cun sa Biblioteca Comunali de Pabillonis de su Sistema Bibliotecàriu "Monte Linas" e s'Ufítziu di Língua Sarda de Pabillonis, at organizau sa presentada de su líbburu: "Il Canto del Nuraghe" de Stefano Cruccas.

Comunu de Santu Antiogu: In su coru de su tzentru tzitadi, a sa scoberta de is segretus de su "Giardino Fatato". Faci a sa domu-igloo de Babbu Natali, fintzas a sa maja de su grandu Steddu de Pratza Umberto. De sàbudu 7 de Meseidas 2019, a is cincu e mesu de a merí ( 17.30) a lunis 6 de Gennaxu 2020, a mesunoti (00.00).

Comunu de Sàrdara: Fonti: Kalariseventi.com. Ocannu Sa Festa de su Binu Nou lompit a sa de 14 editzionis. Sa manifestatzioni chi pertocat sa produsidura de su binu e de sa cosa de papai est dedicada a su binu nou de is produtoris localis, chi benit spartzinau fintzas a acabbai.Ma in programma ddoi at música, cuntzertus, leturas, cantus, baddu sardu, dantza, magioretas, artesanus, labboratórius, ammustas, artistas e torrat puru su "Tour dei Presepi de is Bixinaus".