Comunu de Carbònia: S'intítulat "Destino, la Follia di Achille", s'òpera musicali de su grupu sardu VADE, in programma sàbudu 16 de Donniasantu, a is noioras de a noti (21.00), in su Teatru Tzentrali de pratza Roma.S'òpera contat de is úrtimas dís de Achille e s'arruidura cosa sua in su sperefundu de su machímini

Comunu de Atzara: Su programma de sa manifestatzioni, diaderus arricu de propostas, proponit intra de is àterus acontéssius: s'ammusta intitulada "Cent'anni, i Maestri della pittura sarda del '900"; una bessida in su territóriu "In viaggio nel Mandrolisai, il paesaggio rurale stórico d'Italia" e  s'acontéssiu"Il borgo dei borghi" chi stràngiat is produtoris de s'Ísula de Santu Antiogu, de Igrèsias e de Mara. 

Comunu de Guasila: Su Comunu de Guasila fait sciri a is tzitadinus chi est ativu s' Ufítziu de Língua Sarda chi est ativu de su 14 de Donniasantu 2019 fintzas a su 16 de Abrili 2020.

Comunu de Geroni: Su Comunu de Geroni fait sciri a is tzitadinus chi est ativu s' Ufítziu de Língua Sarda chi est ativu de su 13 de Donniasantu 2019 fintzas a su 15 de Abrili 2020.

Comunu de Aristanis: Sàbudu 16 de Donniasantu 2019, in Aristanis, in sa sala "bistrot" de su "Aroma Caffè" , pratza  Roma, a is cincu e mesu de a merí (17.30). Nc'est sa presentada de su líbburu: "Metropolitània e àteros contos tòpicos, distòpicos e utòpicos"   de Pepe Coròngiu.  Isterrit Marina Casta. Fueddant cun s'autori Isabella Tore e Luca M. Atzori. Un'atóbiu de non perdi. Sa presentada dda organizant sa "Palabanda Edizioni" e sa libreria "Mondadori".

Comunu de Oroteddi: S’assessorau a s’Istrutzioni Púbrica e Cultura, organizat unu labboratóriu de cosidura: “Su Zibone”. Is domandas de iscritzioni depint lompi, a su Protocollu de su Comunu, aintru e non prus a tradu de su 15 de Donniasantu 2019.

Comunu de Casteddu: Mércuris 13 de Donniasantu, a is cincu e mesu de a merí (17.30), in su Spàtziu Acontéssius, in su primu pianu de sa MEM – Mediateca de su Mediterràneu, bia Mameli 168 in Casteddu – su líbburu “Troppo sole per Antonioni” de Alessandra Dragoni.

Comunu de Quartu Sant'Aleni: Mércuris 13 e cenàbara 15 de Donniasantu,in sa Biblioteca Comunali de bia Dante atóbiu dópiu dedicau a s’òpera de su títulu “Una questione privata”. Su primu atóbiu inghitzat a is ses e mesu de a merí (18.30) e fissat s’atentzioni asuba de su romanzu de Beppe Fenoglio.