Comunu de Serramanna: Cenàbara 3 de Maju 2019, a is cincu e mesu de a merí (17,30), in sa Biblioteca Comunali, nc'est sa presentada de su líbburu de Prof. Francesco Cesare Casula*: " I Giganti di Mont'e Prama", partitzipat sa Dot.ra Sara Chirra, presentat Andrea Cossu.

Comunu de Gèsturi: Sa Províntzia de su Sud Sardigna imparis cun su Comunu de Gèsturi at organizau unu Cursu de Língua Sarda de I livellu. Su cursu est in donu.

Comunu de Lunamatrona: Sa Províntzia de su Sud Sardigna imparis cun su Comunu de Lunamatrona at organizau unu Cursu de Língua Sarda de alfabbetizadura. Su cursu est in donu. Funt abertas is iscritzionis.

Comunu de Gùspini: Su Comunu de Gùspini afestat su de 74 anniversàrius de sa Resisténtzia e de sa Libberatzioni de su nazifascismu cun sa proietzioni de su film documentàriu "Libere" de Rossella Schillaci, in programma cenàbara 26 de Abrili, in is Domus a Corti, a ses e mesu de a merí (18,30).

Comunu de Silius: In Silius, de su 25 de Abrili fintzas a su 2 de Maju, nc'est sa de 3 editzionis de ""Festival Literàriu 3L - Su  Festival de is Líbburus, de su Trabballu e de is Libbertadis".

Comunu de Gùspini: Est fissau po su 23 de Abrili in is Giardinus Púbricus su primu de is atóbius cun sa "Biblioteca all'Aperto". Custa atividadi noba dd'ant organizada is voluntàrius de su Servítziu  Tzivili Universali chi trabballant in sa Biblioteca Comunali "Sergio Atzeni".

Comunu de Masainas: Su 24 e su 25 de Abrili 2019 in Masainas nc'est Sa Festa de Sa Canciofa.

Comunu de Igrèsias: Su 22 de Abrili 2019, in Igrèsias, si fait sa manifestada "Giornada Mundiali de sa Terra" chi inghitzat a is noioras de a mengianu (9,00) in Pratza Pichi.