Comunu de Igrèsias: Domínigu 24 de Friaxu 2019, de is seti de a merí (19,00), su Teatru Electra stràngiat su "Cuntzertu po Ilaria", unu spetàculu musicali de tangu e de cantus popularis sardus e de su Sud América.

Comunu de Gùspini: Torrat ocannu puru s'atóbiu culturali de su Carnevali guspinesu "CAMBAS DE LINNA", una manifestada chi tenit arraixinis in su territóriu innui su Carnevali si afortiat de annu in annu cun innestus nous.

Comunu de Futei: Su 25 de Friaxu 2019 a is cuatru de a merí (16,00), in biblioteca ddoi at s'úrtimu de is  tres atóbius po imparai sa língua sarda. Su cursixeddu interessat is pipius/pipias de is 6 fintzas a 10 annus.

Comunu de Scalepranu: Sa Scola de Scalepranu bincidora de sa de 5 editzionis de "Scrittori di Classe", cuncursu natzionali de scritura creativa po is scolas primàrias e segundàrias de primu gradu de totu Itàlia in su cuntestu de su progetu  "Insieme per la Scuola".

Comunu de Giauni: S'Amministratzioni Comunali bolit arregolli testimóngius, memórias, contus e arregordus de su passau de is disterraus giaunesus. Podint pigai parti totus is disterraus originàrius de Giauni cun unu contu, una poesia, una cantzoni o cantada chi arremmonit momentus passaus in Giauni.

Comunu de U Pàize: Su cunsórtziu "Arcobaleno" imparis cun s'Amministratzioni Comunali e sa Pro Loco de U Pàize organizat sa manifestada de su Carnevali 2019, a custu scopu funt stabbilius atóbius, cumbidendi a is assótzius tzidadinus, a sa Banda musicali, a is Scolas e in generali totu is tzitadinus de U Pàize a partitzipai...

Comunu de Serramanna: Cenàbara 22 de Friaxu 2019, a is cincu e mesu de a merí (17,30), in sa sala de is cunferéntzias "Vico Mossa" in su Maceddu Béciu (ExMa) in bia Parrocchia n.1, nc'est sa cunferéntzia educativa intitulada "Sa giovunesa intra rebbellias e siléntzius".

Comunu de Portescusi: Su Comunu de Portescusi  imparis cun sa Dita "Elior Ristorazione" organizat po su 27 de Friaxu 2019 unu labboratóriu de coxina "Manus in pasta".