Comunu de Gùspini: Banderas a mes’asta po  “Sa Dí de s’Arregordu”: una solennidadi tzivili  natzionali italiana, istituida cun sa L. 30 Martzu 2004 n.92 e afestada su 10 de Friaxu de dónnia annu. Sa data scioberada (10 de Friaxu) est sa dí chi, in su 1947, funt stétius firmaus is trataus de Parigi.

Su Comunu de Biddacidru imparis a  sa ASSL de Seddori, a s'Universidadi de sa Tertza Edadi e a sa Consulta de is Gióvunus  organizat, su 31 de Gennaxu  2019 a is cincu e mesu de a merì (17,30) ,  in s'Àula Magna de su Liceu "E.Piga", in bia Regione Sarda, in Biddacidru, un'atóbiu po arraxonai de Tennologia e patologia: is formas nobas de dipendéntzia.

Comunu de Serrenti: Sa Províntzia de su Sud Sardigna imparis cun su Comunu de Serrenti at organizau unu Cursu de Língua Sarda de alfabbetizadura. Su cursu est in donu. Funt abertas is iscritzionis.

Comunu de Biddaboa de Forru: Sa Províntzia de su Sud Sardigna imparis cun su Comunu de Biddanoa de Forru at organizau unu Cursu de Língua Sarda de alfabbetizadura. Su cursu est in donu. Funt abertas is iscritzionis.

Comunu de Gùspini: Su  27 de Gennaxu nc’est torra  “Sa Dí de sa Memória”,  una recurréntzia internatzionali chi  si tzelebrat su 27 Gennaxu de dónnia annu po arremonai is vítimas de s’Olocaustu (sperdidura).  Po arremonai sa “Shoa” e pigai parti a sa “Dí de sa Memória”,  in sa Biblioteca Comunali “Sergio Atzeni”,  de su 25 de Gennaxu fintzas a su 9 de Friaxu 2019, ddoi at un’ammosta bibliogràfica.

Comunu de Gùspini: In su Tzentru de Agregatzioni Sotziali (CAS), a inghitzai de su 4 de Friaxu, dónnia lunis e mércuris de is 15,00 a is 19,00 (de is tres  fintzas a is seti de a merí ) est ativu unu logu innui si faint giogus educativus, cómpitus e labboratórius de afortiamentu po s’imparu. Is iscritzionis funt abertas su 28 e su 30 de Gennaxu in su CAS in bia Pertini n°1 de is 15,00 a is 19,00 ( de is tres de a merí).

Comunu de Gùspini: Su 16 de Gennaxu passau, in Terraba, is cuatru síndigus de s’Unioni de is Comunus “Monte Linas – Dunas de Piscinas, is cincu síndigus de s’Unioni de is Comunus de su Terrabesu e s’Assessori Regionali a sa Programmatzioni Raffaele Paci ant firmau su protocollu finali de su Progetu Territoriali “Dal mare verso l’interno: gli itinerari del terralbese e del Linas”.

Comunu de Gùspini: Cenàbara 7 de Meseidas a is cincu e mesu de a merí (17,30) in sa Sala de su Consillu de su Comunu de Gùspini nc’est sa presentada de su líbburu de Marino Melis “Da Fulanu a Zutanu – Origine, storia e significato di oltre mille soprannomi guspinesi”. Imparis cun s’autori intervenit Prof. Francesco Casula – espertu de stória e língua sarda.