Comunu de Mara Arbarei: S’at a fai in Mara Arbarei sa de duus editzionis de sa Manifestatzioni po agiudai sa chirca apitzus de s'Endometriosi e Adenomiosi, organizada de is Acli Girasole. S’at a fai una passillada po is bias de sa bidda, in su matessi tempus cun totus is Comunus ca partécipant a s'initziativa.

Comunu de Santu 'Éngiu: Fonti: "La gazzetta del Medio Campidano": Cras, s’otu de martzu, a is noi oras de noti (21.00) in su Teatru Comunali de Santu’ Èngiu, at a essi rapresentau su spetàculu “Romeo e Giulietta”- s’amori est unu fragnòculu”, cun Anna De Franceschi, Michele Mori e Marco Zoppello.  Zoppello est puru regista e autori de su sugetu.

Comunu de Gùspini: Est previdia sa proietzioni de su film "Nome di Donna" in is domus a Corti sa dii 8 de Martzu a is 6 de a merii.S'initziativa chi pertocat a sa Dii Internatzionali de sa Fèmina. Est previdia sa proietzioni de su film "Nome di Donna" in is domus a Corti sa dii 8 de Martzu a is 6 de a merii. "Sa situazioni sanitària in dii de oi, po mori de sa Pandemia de Covid, at penalizau ancora de prus is Fèminas fendi prus grai s’arrolu insoru aintru de sa famìllia, e obbrighendiddas medas bortas a fai de mancu de trabballai e duncas a fai de mancu de s’autonomia e de s’indipendèntzia insoru.

Províntzia de su Sud Sardigna e Comunu de Gùspini: Sa Províntzia de su Sud Sardigna e su Comunu de Gùspini faint sciri a is tzitadinas e a is tzitadinus chi funt abertas is iscritzionis po su Cursu de Língua Sarda de I livellu (30 oras). Su cursu si fait in presèntziain Gúspini in s’ex sedi de su GAL in Bia San Nicolò (a su costau de sa Biblioteca) e in su matessi tempus in sa piataforma ZOOM, at a inghitzai gióbia su 10 de Martzu 2022 h. 15,30

Comunu de Sàrdara: Si fait sciri a totus ca ddoi unu Avisu pùblicu po donai 133 borràcias in allumìniu cun stampa, po bufai, pigadas de su Comunu de Sàrdara in s’àmbitu de is progetus intercomunalis de promotzioni de sa lìngua sarda “Su Sardu” e “Scapiau”, finalizaus a s’acumprimentu de su gradu de bilinguismu italianu – sardu in s’àmbitu de is Comunus chi partetzipant. Po presentai is domandas ddoi at tempus fintzas a sa una de su 7 de Martzu 2022.

Comunu de Serrenti: Su Grupu de letura “Il sentiero dei libri” at scerau su libru po su mesi de friaxu 2022 “Nessuno al mondo” de Hisham Matar.In su 1979 Suleiman, su protagonista e sa boxi chi contat de “Nessuno al mondo”, tenit noi annus e totu una stòria de contai. Unu piciocheddu, fillu solu, est bivendi in solitudini su passàgiu difitzili de s’infàntzia a s’adolescèntzia, cun totu su chi sutzedit. 

Comunu de Biddanoa de Forru: C’est stétia cenàbura 4 de martzu 2022 sa de cincu dis de s'innestu. In s’interis de su mangianu, pustis de is saludus de su ViciSíndigu Matteo Mandis, Marianna Virdis de Sa Laurera at spiegau is arrexonis de s'innestu, is cosas piessignas e is metodologias difarentis impreadas.

Províntzia de su Sud Sardigna e Comunu de Biddacidru: Sa Províntzia de su Sud Sardigna e su Comunu de Biddacidru faint sciri a is tzitadinas e a is tzitadinus chi mércuris 9 de Martzu 2022, cun su I labboratóriu asuba de su film "Bellas Mariposas" de Salvatore Mereu inghitzat sa série de dexi labboratórius didàticus culturalis in Língua Sarda “Mércuris in su Tzínema” . Su labboratóriu est a indonu.