Comunu de Narcau: De su 13 de mesi de argiolas at torrau a oberri a su pùbblicu sa biblioteca comunali de Narcau. Sa biblioteca est oberta a merì su lunis e su mèrcuris de is 4 a is 7, su cenàbara a mengianu de is 9 a mesudì.

Comunu de Santu Giuanni Suergiu: Cun prexeri mannu cumbidaus totus is pipius in edadi prescolari, acumpangiaus de su babu o de sa mama, a pigai s’apuntamentu po benni a biblioteca in bia Mazzini, po pigai su calendàriu/bibliografia “Nati per leggere 2020” e is cofineddus po is pipius nàscius intra de su mesi de làmpadas 2019 e làmpadas 2020.

Comunu de Frùmini Majori: Ant torrau a oberri a is bisitadoris is grutas de Su Mannau. Po imoi funt previstas 5 bìsitas dònnnia dii chi ant a incumentzai a is: 10:15; 11:30; 12:45, 15:30, 16:45. S'at a donai prioridadi a is prenotatzionis (3475413624 o sumannau@tiscali.it) ;

Comunu de Nuxis: Custa cida chi benit is archeòlogus ant a torrai a Tatinu po donai inditus a s’Amministratzioni Comunali chi tenit giai 30,000 èurus prontus po ndi bogai sa crobetura arruta e po studiai solutzionis alternativas po amparai su tèmpiu nuraghesu dedicau a su cultu de is àcuas.

Comunu de Piscinas: Si fait sciri ca po totu s'istati "Villa Salazar" aberrit a is bisitadoris. Sa Villa at a essi aberta su sàbudu e su domìnigu de is 18:00 a is 20:00.

Comunu de Biddaspitziosa: Su Comunu de Biddaspitziosa paris cun s’Assòtziu de Promotzioni Culturali “RiCreando” e sa Libreria “Librart” ant organizau sa manifestatzioni: " Biddaspitziosa asuta de is steddus 2020 ... a is tempus de su Covid" chi si fait de su 26 de Làmpadas a su 31 de Meseargiolas 2020, dònnia cenàbara a is 8 e mesu de a merì in su Parcu de Santu Pàdrimu.

Comunu de Gèsigu: Su Comunu de Gésigu, alleau de sa Províntzia de su Sud Sardigna, fait sciri a is tzitadinus chi in custu Comunu si fait su labboratóriu de Língua Sarda  “Fueddaiddu su Sardu”chi inghitzat su 1 de Argiolas, in sa piataforma Skype. Su labboratóriu est a indonu.

Comunu de Nuràminis: Su Comunu de Nuràminis, alleau de sa Províntzia de su Sud Sardigna in su progetu "Sighidura de sa sperimentatzioni linguística", cunformas a sa L.482/99, fait sciri a is tzitadinus chi de su 19 de Maju 2020 est ativu s' Ufítziu de Língua Sarda.