Comunu de Biddanoa de Forru: Cun s’agiudu de su kamishibai, su teatrinu giaponesu, s’ant a contai contus de totu su mundu in língua sarda. Is dis ant a èssiri su 09, su 16 e su 30 de austu a is oras 11.30 in sa biblioteca comunali. Po andai tocat a si prenotai prenendu su módulu alliongiau e portendiddu in sa biblioteca o mandendiddu a sa mail ufitziuls@gmail.com. Is iscritzionis serrant s’08 de austu.

Comunu de Mara Arbarei: S’ufítziu de sa língua sarda de sa Províntzia de su Sud Sardigna, sedi de Mara Arbarei, organizat tres atóbius po is pipius de is scolas primàrias. Cun s’agiudu de su kamishibai, su teatrinu giaponesu, s’ant a contai contus de totu su mundu in língua sarda. Is dis ant a èssiri su 09, su 16 e su 30 de austu a is oras 9.30 in sa biblioteca comunali. Is iscritzionis serrant s’08 de austu. Is atóbius funt a indonu.

Comunu de Biddanoa de Forru: Cenàbura 12 de austu 2022 in sa location spantosa de su nuraxi Genna Maria a is oras 21.30 ci at a èssiri su cuncertu ca si narat “SARDA ARUNDO DONAX - launeddas, ance, elettronica, audio/videoart”. A s’eventu, nàsciu de un’idea de Mario Frezzato, s’ant a pòdiri ascurtai músicas de: Claudia Mura, Manuele Bruno, Matteo Atzori, Ignazio Origa, Elia Perinu, Domenico Lavena, Alberto Locci, Michele Angius, Alessio Gibroni, Marcello Calabrò, Andrea Balia, Andrè Lorenzatti e Andrea Deidda.

Comunu de Biddacidru: Sa "Stagione Dessiana" inghitzat su 11 de Austu 2022 h. 21:30 (noioras de a noti) cun sa primu de una  série de proietzionis chi si narat: " Tzínema in Domu Dessí" chi po sa dí  proponit  "Il disertore" , a incuru de s'Assótziu "SEMM" , sterrit Giuseppe Caboni. Is acontéssius sighint cunformas a unu calendàriu chi lompit fintzas a su 30 de Cabudanni e proponit rapresentatzionis, teatralis, leturas e passilladas notenas in is logus de su romanzu "Paese d'Ombre",  e diaici sighendi.

Comunu de Gùspini: Torrat ocannu, e si fait scéti in Montibéciu (Cantieri de Levanti), su Féstival “A innantis!”. Si cumentzat a bellu – sàbudu su 6 de Austu – cun su spetàculu biatzu “E’ inutile a dire!” de Jacopo Cullin e Gabriele Cossu, acontèssiu de su Tour 2022. Serrat su Féstival – lunis s’8 de Austu - sa cantautora Cristina Donà (album e síngulu finalistas in su Prémiu Tenco) chi s’at a esibbiri in su Pratzali Anglosarda in s’única data in Sardigna de su “deSidera tour”.

Comunu de escovedu: Fonti: "La gazzetta del Medio Campidano": Sighit s’atividadi de s’istadi de s’Assòtziu Culturali Palazzo d’Inverno chi proponit cuncertus in totu su territòriu circhendi de fai partetzipai genti de dònnia edadi. Sàbudu su 30 de argiolas a is dexi e mesu de noti in Pratza Funtanedda in su Comunu de Escovedu (Or) ddoi at a essi su cuncertu de Randagiu Sardu chi at a cantai impari a Stefano Casti, Davide Crabu e Maurizio Vizilio. 

Comunu de Nuràminis: S’Amministratzioni Comunali de Nuràminis est prexada de si cumbidai totus, pipius, piciocus e is famíllias insoru, a su “Summer Party Night”, sa festa de acabbu de is atividadis istadialis chi si fait cenàbara su 29 de Meseargiolas de is 8 de a merii (20.00) in su Campu Sportivu Comunali.  

Comunu de Nuràminis: Martis su 26 de Meseargiolas a is 8 de a merii (20:00) s’at a incingiai su Campu de Padel nou aintru de su cumplessu sportivu de Bia Satta in Nuràminis. Un’impiantu nou po unu sport nou a su passu cun is tempus de oi.