Comunu de Biddanoa de Forru: Su Comitau regionali po is comunicatzionis de sa Regioni Autònoma de sa Sardigna (CORECOM), ìnditzit po s’annualidadi 2020 sa sigunda editzioni de su Prèmiu Corecom Sardegna “Gianni Massa”.Su tema individuau est cussu chi pertocat s’impreu cunsapevoli de is tecnologias telemàticas po contu de is piciocus, e prus a notu po is fenòmenus de s’intzitamentu a s’òdiu, de su bullismu, de su cyberbullismu e de su cyberstalking.Is candidaus ant a depi presentai su traballu insoru intru de su 31/01/2021.

Comunu de Sant'Antiogu: Su 3 de mesi de idas de su 2020 est stètia una dii stòrica po Sant'Antiogu: su sìndigu Nàssiu Locci at firmau s'acòrdiu de collaboratzioni cun s'Assessorau a su Turismu chi prevedit atzionis po s'avaloramentu e promotzioni in su setori de su Turismu identitàriu, culturali e religiosu.

Comunu de Carbònia: Giòbia 15 de mesi de ladàmini a is 15:30 in sa sala polifuntzionali si fait su de duus seminàrius, “Saludi e Nutritzioni” de s’initziativa chi si narat “Carbònia4Sport”, promòvia de s’assessorau a su sport de su Comunu de Carbònia in collaboratzioni cun sa Scola Regionali de su Sport Sardigna (SRdS) e su CONI CR Sardigna.

Comunu de Arresi: Su Comunu de Arresi fait ischire a totus sos tzitadinos chi su Cursu de Limba Sarda de I livellu, inghitzau su 1° de Cabudanni, sighit in sa retza (on line) in sa piataforma Zoom. Podent frecuentare su cursu puru sos tzitadinos chi non sunt residentes in Arresi e duncas si arritzint iscritziones nobas.Su cursu chi in custu momentu est suspéndidu torrat a incumentzare su 20 de Ladàmine 2020 a is 15.30.

Comunu de Igrèsias: Sàbudu chi benit su tzentru stòricu de Igrèsias aberrint is crèsias si trasformat in unu camminu urbanu chi contat sa vida e is artis de is igresientis aundi is arrugas funt is passirìcius, is palàtzius e crèsias is salas de unu museu mannu meda. A is 18, in su Teatru Electra, Francesco Abate presentat in pari a Federica Musu s’ùrtimu romanzu suu “ I delitti della salina”. Custu eventu e parti de sa FieraOff, sa rassegna permanenti chi si ponit a costau de sa Fiera de su Lìburu de Igrèsias. Po podi partetzipai tocat a prenotai mandendi una mail a argonautiluslab@gmail.com

Comunu de Carbònia: Su comunu de Carbònia fait sciri ca sa mostra “Minatori e Miniere tra lampade e sottosuolo. B'at zente asut'e terra cada die traballande” si podit bisitai fintzas a su 15 de donniassanti.

Comunu de Igrèsias: Su 16 de mesi de ladàmini a is 8 de merì in s'atmosfera ammalianti de su chiostru de Santu Frantziscu Enzo Favata sonat cun The Crossing, s’ingruxada sonanti chi in s’ùrtimu annu e mesu at fatu su giru de s’Àsia e de s’ Amèrica Latina e s’est biu in meda palcus italianus custa istadi passada.

Comunu de Igrèsias: Domìniga 4 de mesi de ladàmini est acabada sa de cincu editzionis de sa Fiera de su Lìburu de Igrèsias. Mancai non siat stètiu fàtzili po mori de s’apretu sanitàriu, is organizadoris de s’assòtziu ArgoNautilus funt arrinnescius a cuncordai un’eventu de valori culturali mannu meda. In logu de is datas canònicas a giru de su 25 de abrili, chi asseriant a essi pròpiu in mesu de sa corantena, ddis est beniu a marolla a tramudai sa Fiera in primas diis de s’atòngiu.