Comunu de Gùspini: De su 5 de Meseargiolas a su 13 de Austu s’istadi de Gùspini at a essi alentada una borta ancora gràtzias a spetàculus, atóbius e dibatas abertus a totus. Is acontéssius ddus organizat su Tzentru Cummertziali Naturali de Gùspini, paris cun sa Regione Autònoma de Sardigna, su Comunu de Gùspini, sa Proloco e is assótzius de su territóriu.

Comunu de Serrenti: Fabrizio Bibi Pinna e Alessandra Cossu Fotografa funt prexaus de si cumbidai a sa presentada de su libru insoru "La Sardegna oltre al mare" chi si fait cenàbara su 7 de Meseargiolas 2023 in sa pratza de sa domu campidanesa spantosa de sa famíllia Murtas - Corda.

Comunu de Nuràminis: Su Comunu de Nuràminis paris cun sa cooperativa Tesauro e su Sistema bibliotecàriu Joyce Lussu, cumbidat a totus a partetzipai a sa presentada de su libru de Stefano Floris intitulau “Danzando sotto la pioggia. Il recital.

Comunu de Patiolla: Sa Cumpangia Teatrali “Il salto del Delfino” cun s’amparu de su Comunu de Patiolla/Sici presentat de s’1 de Meseargiolas a su 10 de Cabudanni 2023 a is 9 oras de a merii (21.00) s’arressigna teatrali “Teatri d’Estate”, in scena in su Museu Comunali Villa de Villa in bia Carducci 2-4.

Comunu de Sestu: S’Assótziu “Le Compagnie del Cocomero” at apariciau sa de 19 editzionis de su “Festival Bastoni e Burattini” in spetàculu a Sestu intra s’1 e su 9 de Meseargiolas 2023 girendi intra Pratza della Legalità, Pratza Pertini e Pratza Ghandi, de is 6 de a merii (18.00) cun is labboratórius e de is 7 e mesu de a merii (19.30) cun is spetàculus.

Comunu de Samatzai: Presentada de su libru “La libreria dei gatti neri” s’úrtimu trabballu literàriu de Piergiorgio Pulixi, chi si fait in sa pratza de sa Biblioteca Comunali de Samatzai in bia Nuoro 4, cenàbara su 30 de Làmpadas 2023 a is 7 e mesu de a merii (19.30).

Comunu de Pramantellu: Aintru de s’arressigna Librus in Pratza in Pramantellu, cumbidant totus a bandai cenàbara su 27 de Làmpadas 2023 a is 9 oras e mesu de a merii (21.30) a is “Domus de Janas S’acqua salida” e partetzipai a sa presentada de su libru “Giallo Sardo”

Comunu de Carbonia: De su 27 de Làmpadas a s’8 de Austu in s’Arena Mirastelle de su Teatru Tzentrali de pratza Roma in Carbònia. Po intrai si pagat € 4,00 su billetu intreu e € 3,00 su billetu smenguau poi s giòvunus fintzas a is 21 annus e is chi funt iscritus/as a is tzírculus de su tzínema Arci-Ucca e Ficc. Sa buteghedda innui s’arretirant is billetus aberrit un’ora innantis de su cumentzu de su spetàculu, a is 8 e mesu de a merii (20.30), e sa proietadura at a cumentzai a is 9 oras e mesu de a merii (21.30).