Lìngua Sarda Campidanu de Mesu
Provìntzia de su Campidanu de Mesu
Donniasantu 2026
Comunu de Gùspini: S’Assótziu “ARCI Sardegna” fait unu bandu po partitzipai a su Progetu “Promemoria Auschwitz Sardegna 2019”. Su Progetu, finantziau de su Comunu de Gùspini, ddu gestiscit s’Assótziu “ARCI Sardegna” imparis cun s’assótziu “Deina”.
Comunu de Gùspini: Acabbant cenàbara 30 de Donniasantu 2018 a is 18:00 (ses de a merí) is atóbius de "Autunno d'Autore" dedicaus a sa scritora, tradusidora, antifascista e femminista Joyce Lussu.
Martis 27 e cenàbara 30 de Donniasantu 2018, h. 18:00-20:00, in s’Auditorium Santa Barbara, in Pratza Santa Barbara in Biddacidru ddoi at duus atóbius po fueddai de Giovanni Spano. S’atóbiu de su 27 est intítulau “ Giovanni Spano: Antropologo e linguista sardo”. Su de su 30 de Donniasantu s’intítulat “Giovanni Spano Archeólogu sardu”.
Comunu de Gùspini: In ocasioni de sa Giornada Internatzionali contras a sa violéntzias contras a is fémminas, cenàbara 23 e sàbudu 24 de Donniasantu 2018, nc'est inauguratzioni de is "Panchinas Arrúbias ... dedicadas a is fémminas vítimas de violéntzia"
Comunu de Biddacidru: De su 12 de Donniasantu fintzas a su 20 de Meseidas 2018, dónnia lunis, mércuris e gióbia a is 20,30 (otu e mesu de a merí) in su palàtziu de s’obispu, in bia Vittorio Emanuele 15, nc’est, Rassínnia Tzinematogràfica “Il cinema nel mondo: Israele e la Palestina”.
Comunu de Biddacidru: Cenàbara, 23 de Donniasantu 2018, de is ses a is otu de a merí (18,00 – 20,00), in s’Auditorium Santa Barbara, in Pratza Santa Barbara in Biddacidru, ddoi at un’atóbiu intitulau “ Costantino Nivola, la sua arte e il sogno Americano”.
Comunu de Biddacidru: Martis 27 de Donniasantu 2018, a is h.17:00 (cincu de a merí) in sa biblioteca comunali “Antonio Gramsci”, in bia Regione Sarda n. 65 , in Biddacidru nc’est s’atóbiu cun su stóricu Martino Contu, po arrexonai de su disterru de is italianus in América.
Comunu de Gùspini: Lompendi faci a su 25 de Donniasantu, Giornada internatzionali po sa sperdidura de sa violéntzia contras a is fémminas, su 13 de donniasantu a is cincu de a merí (h.17,00) in sa Sala de su Consillu de su Comunu, nc’est sa 2^ editzioni de su festival de sensibbilizatzioni po su cuntrastu a sa violéntzia de géneri “Il potere della scelta”.