Províntzia de su Sud Sardigna e Comunu de Igrèsias: S'Ufítziu de Língua Sarda de sa Províntzia de su Sud Sardigna, sea de Igrèsias,  in collaboratzioni cun s'assótziu culturali Sa Bèrtula Antiga, aparìciat po su mesi de Idas unus cantu de bíísitas culturalis rivòlgias a is studentis de is scolas de s’infàntzia, primàrias e segundàrias de primu livellu. Is bísitas funt a indonu. Is Iscolas si depint prenotai.

Comunu de Gùspini: Sa Biblioteca Comunali in collabboratzioni cun su Comunu de Gùspini, s’Ufítziu Língua Sarda Províntzia Sud Sardigna, sea de Gùspini (L. 482/99 e L.R. 22/2018) e sa Consulta de sa Língua e de sa Cultura Sarda de su Comunu organizant sa Tòmbola de Paschixedda in Biblioteca (bia San Nicolò n.9) giòbia su 22 de Meseidas 2022. S’ant a fai duus turnus cun màssimu 12 partecipantis donniunu. Po pediri informatzionis e po si prenotai (aintru de su 20 de Meseidas) tocat a tzerriai a su n. 070/9760602 o scriri una e-mail a: biblioguspini@bibliotechelinas.it

Comunu de Seddori: Fonti: "La Gazzetta del Medio Campidano": Po sa Stagioni 2022-2023 de La Grande Prosa Musica Danza Circo Contemporaneo Prosa, organizada de su CeDAC – Circuitu Multidisciplinari de su Spetàculu in Sardigna in su Teatru Comunali de Seddori, cun su patrotzìniu e s’agiudu de su Comunu de Seddori, de sa Regioni Sardigna e de su MiC / Ministeru de sa Cultura e cun su contributu de sa Fondatzioni de Sardigna. Seti tìtulus in su cartelloni de meseidas a su mesi de abrili cun is nòminis prus importantis de su spetàculu italianu.

Comunu de Nuràminis: Si fait sciri a is tzitadinus interessaus ca est disponíbbili su programma de is atividadis chi pertocant a is labboratórius de Paschixedda po pipius. Is tzitadinus chi ant espressau interessu depint pagai 63 € a pipiu aintru e no prus a tradu de su 12/12/2022.

Comunu de Sant' Èngiu: Cun custu avisu s’Amministratzioni Comunali bolit cumbidaia pigai parti a s’eventu “Ambiente, sport e… Diabeti”, chi s’at a fai su 3 de meseidas a is noi oras e mesu de mengianu in sa Sala Civis de bia Roma, nu. 102.

Províntzia de su Sud Sardigna e Comunu de Biddaramosa:  S'Ufítziu de Língua Sarda de sa Províntzia de su Sud Sardigna, sea de Biddaramosa,  in collaboratzioni cun su Comunu de Biddaramosa e s'assótziu culturali Sa Bèrtula Antiga, fait sciri a is tzitadinas e a is tzitadinus  chi  funt abertas is iscritzionis po su viàgiu culturali a indonu chi si fait a Thiesi su 3 de de Meseidas 2022.

Comunu de Seddori: Cenàbara 25 de Donniasantu 2022, h.18:00, in su teatru de Seddori, ddoi est sa projetzioni de su cortometràgiu “Ritorno a casa. La meraviglia del quotidiano in Marmilla”, de su regista famau Gianfranco Cabiddu. Su cortometràgiu est su resurtau de unu progetu importanti de prumotzioni turística chi su “Consorzio Turistico Sa Corona Arrùbia” at bòfiu cun totus is fortzas po circai de mudai sa Marmidda in sa destinatzioni de unu biaxi chi permitat de si spantai e de gosai de sa bellesa, de sa stória, de s'ospedàgiu, de is nuscus e de is saboris de una regioni ecisera de bivi e de imparai a connosci.

Comunu de Gonnesa:  Lunis su 21 de Donniasantu a is 5 de a merii (17.00) in sa la Biblioteca Comunali de Gonnesa in ocasioni de sa “Cida Natzionali Nàscius po Ligi” (de su 19 a su 27 de Donniasantu 2022) si fait s’initziativa “Stórias de sa bonanoti. Gheta su dadu e ascurta una stória”.Po partetzipai tocat a si prenotai.