Comunu de Igrèsias: "Il Digitale come forma d'arte pubblica". A incuru de Academia Terra, in collabboratzioni cun s'Assessorau a sa Cultura de su Comunu de Igrèsias. OKTV_SummerFest torrat pustis de s’editzioni de Beranu po donai unu programma de acontéssius dedicaus a is MediaArt Digitalis contemporàneas.

Comunu de Crabonaxa: De su 3 de argiolas a su 19 de austu sa pratzixedda de su portu de sa Marina de Crabonaxa s’at animai cun sa IV editzioni de su Féstival de sa Marina de Crabonaxa. 11 meris innoi s’ant a alternai asuba su palcu scritoris, giornalistas e atoris protagonistas de su panorama culturali natzionali. 

Comunu de Gùspini: Fissada sa de bintiduas editzionis de su " Prémiu calidadi melis típicus de sa Sardigna" (De su GC n. 107 de su 14-06-2022).Su Cuncursu est reservau a is melis prodúsius in Sardigna e tenit sa tenta de insutzuligai is mellus produtzionis de meli e avalorai is diferentis calidadis de meli prodúsius in Sardigna. Is abicultoris chi bolint partetzipai a su Cuncursu ant a depi intregai is campionis de meli aintru de su:

01 de Meseargiolas 2022 (po totus is tipologias de meli de atóngiu e beranu); 01 de Austu 2022 (scéti po sa tipologia de meli de eucaliptu).

Comunu de Siddi: Su sportellu Informaorienta Giòvunus aparíciat 6 laboratórius de orientamentu universitàriu ca ant a incarrerai in su mesi de argiolas. Funt prevídias 6 dis cun atóbius de duas oras donniunu me is sedis de is ses comunus innoi est ativu su servítziu Informaorienta. Est necessàriu a si prenotai, puru po bia email a informaorienta@libero.it o whatsapp a su númunu 379 255 9299.

Comunu de Mara Arbarei: Su 24 de làmpadas a is oras de is 20.00, in ocasioni de “Sa festa de Santu Giuanni” patronu de Mara Arbarei, in sa Sala Cunferéntzias de sa Domu Maiorchina ci at a èssiri unu cuncertu de su Coro Polifónicu "Cantos e Melodias" dirígiu de su maistu Massimo Atzori.

Comunu de Biddanoa de Forru: Su 31 de mesi de argiolas a Biddanoa de Forru, a is oras de is 21:30 at a èssiri proietau in Pratza Costitutzioni su docu-film “CHEMICAL BROS” de Massimiliano Mazzotta. Po partecipai a sa proietzioni, ca si podit gosai a indonu, est necessària sa prenotatzioni in eventbrite o a su númunu 3277880737.

Comunu de Nuràminis: Si fait sciri ca in su Comunu de Nuràminis est a dispositzioni su servítziu nou de “Sportellu de agiudu a sa famíllia”.
Su servítziu si podit ativai sceti pighendi un’apuntamentu innantis tzerriendi a su númeru 0707574705 int. 403.

Comunu de Igrèsias: Su 25 e su 26 de làmpadas torrat s’Arressigna Artísticu Artigianali “Per la strada”, a incuru de su Cumitau Quartiere Castello e de s'Assessorau a is Atividadis Produtivas de su Comunu de Igrèsias.