Comunu de Gùspini: Ocannu puru su Comunu de Gùspini bolit premiai is studiantis chi si funt distintus po su méritu scolàsticu. Is domandas tocat a ddas presentai aintru de su 30 de Meseladàmini 2020.

Comunu de Carbònia: Sàbudu 10 de mesi de ladàmini in Carbònia si fait sa de cuàturu editzionis de "Puliamo il mondo" cun sa partecipatzioni is iscolas e de is assòtzius tzitadinus. Custa manifestatzioni, dda prumovit Legambiente cun sa collaboratzioni de Anci e su patrotzìniu de su Ministeru de s'Ambienti e s'Amparu de su Territòriu e de su Mari, de su Ministeru de s'Istrutzioni, de s'Universidadi e de sa Circa e de sa UPI (Unioni de is Provìntzias Italianas).

Comunu de Carbònia: Fonti: Cunferéntzia po is giornalis in "streaming" disponíbbili in sa pàgina Facebook de "Carbonia Film Festival: In s'EX MA de Casteddu ant presentau sa de dexi editzionis de su Carbònia Film Festival chi incumentzat martis 6 e acabat dòmingu 11 de mesi de ladàmini, chi ocannu tenit in totu 16 filmis in cuncursu (8 po sa setzioni de is metràgius longus e 8 po sa setzioni de is metràgius curtzus).

Comunu de Teulada:  Su 8 de Meseladàmini 2020, in su giardinu de sa Domu Baronali, in pratza de Crèsia, a is ses de a merí, nc'est sa presentada de su líbburu: “Lentores” de Anna Cristina Serra. Sa presentada dda organizat su Comunu de Teulada imparis cun s'agiudu de sa Biblioteca Comunali "Grazia Deledda" e sa Coperativa Sotziali Onlus  "Millepiedi".

Comunu de Carbònia: Po imoi sunt 28 is tzitadis italianas candidadas e Carbònia est s'ùnica sarda. Su Comunu chi bincit su tìtulu arricit unu milioni de èurus po realizai su programma presentau. Su tìtulu de "Capitale italiana della cultura" no est unu cuncursu aundi si castiat sceti sa bellesa estètica de una tzitadi, ma punnat a sustenni, incoragiai e avolorai sa capatzidadi progetuali autònoma e atuativa de is tzitadis italianas in su campu de sa cultura, a manera chi si cumprendat in manera sèmpiri prus ispainada su valori de sa leva culturali po sa coesioni sotziali, s'integratzioni sena de conflitus, s'annoadura e fintzas su svilupu econòmicu e su benèsseri de su sìngulu e de totu sa colletividadi.

Comunu de Igrèsias: De su 1° a su 4 de mesi de ladàmini, cun tres diis de PreFiera (28-29-30 de cabudanni) torrat sa Fiera de su Lìburu de Igrèsias chi est arribada a sa de cincu editzionis. Ocannu po mori de s’emergèntzia sanitària si fait in s’atòngiu e non in is datas clàssica de su mesi de abrili. Ocannu funt cincu is comunus partener de sa Fiera: Igrèsias, Gonnesa, Portescusi, Santadi e Tzeddiani, ospitis in sa dii de abertura, in pari a is rapresentatis de s’Assessorau a sa Cultura de sa RAS, de sa Fondazione di Sardegna e de sa Scuola Allievi Carabinieri di Igrèsias.

Comunu de Carbònia: Carbònia Tzitadi de su Sport e po su Sport: giòbia 1 de mesi de ladàmni in sa sala polifuntzionali de pratza Roma si presentat su tziclu de seminàrius a pitzus de su sport "Carbònia4Sport". Est un'initziativa incarrerada de s'Assessorau a su Sport de su Comunu de Carbònia in collaboratzioni cun sa Scola Regionali de su Sport Sardigna e su CONI CR Sardegna.

Comunu de Gùspini: Su Sitema Bibliotecàriu “Monti Linas” - Províntzia de su Sud Sardigna e sa “Coop. Agorà Sardegna” proponint, cumenti a argumentu de su de 17 cuncursus literàrius dedicau a is pipius de sa scola elementari e a is piciocheddus de sa scola média,  un'arrexonamentu asuba de sa pandemia orrorosa chi at avolotau su mundu: “Noi … al tempo del corona virus”.