Comunu de Santadi: Acabat sàbudu 19 de cabudanni su ciclu de eventus “Ad Astra” in s'àrea archeològica a is ses de a merí (18.00). Su nùmeru de is chi podint partecipai est limitau e duncas tocat a prenotai telefonendi a su nùmeru: 3388866797 opuru mandendi una mail a adastra.eventi@gmail.com

Comunu de Carbònia: Su 18 de Cabudanni 2020 cun sa presentada de su libru: "Riccino e Riccetta" de Rita Atzeri acabat sa rassegna "Biblionotte".

Comunu de Gùspini: Gióbia 16 de Cabudanni, a is 18.30, in su  tzentru culturali Domus a Corti de Gùspini, nc'est sa presentada de "Muri di Sardegna. Luoghi e opere della Street Art", sa primu ghia asuba de is muralis e sa "Street Art" in Sardigna.

Comunu de Gùspini: Domínigu 13 de Cabudanni in s'àrea Oficinas de sa Miniera de Motibéciu, nc'est sa de 11 giornadas de "Lavoratori delle Miniere" (trabballadoris de is Minieras), s'atóbiu dd'at organizau s'assótziu culturali "Sa Mena" cun s'agiudu de su Comunu de Gùspini e de su Comunu de Arbus.

Comunu de Arresi: De su 7 a su 9 de Cabudanni nc' est sa Rassínnia Cinematogràfica "AngoLazioni" segunda editzioni. Omàgiu a Vittorio De Seta, diretzioni artística de Mohamed Challouf. Sa rassínnia si fait su 7 e su 9 de Cabudanni in sa Villa Piercy, in Porto Pinu, e su 8 de Cabudanni in Pratza Nuraghe. Tocat a si prenotai tzerriendi a su númunu 351 9822381 de 9.00 - 12.00 e de 17.30 – 20.30.

Comunu de Arresi: “Ai confini tra Sardegna e Jazz” prus connotu cumenti a “Sant'Anna Arresi Jazz” est unu festival jazz nàsciu in su 1985 in Arresi, in Sardigna, intra de is prus importantis de custu gèneri in Europa. Su festival ddu organizat s'Assótziu culturali "Punta Giara" e si fait in pratza su Nuraghe in Arresi, de su 31 de Austu 2020 a su 6 de Cabudanni 2020.

Comunu de Teulada: Su Comunu de Teulada fait sciri a totus is tzitadinus chi at organizau unu Cursu de Língua Sarda de I livellu e si arritzint is iscritzionis .

Su cursu inghitzat su 2 de Cabudanni 2020, in sa Domu Baronali, in Pratza Parrocchia, a is cuatru e mesu de a merí (16.30). Su cursu est de 35 oras pretziu in 11 letzionis de 3 oras donniuna e una de 2 oras. Is letzionis ddas fait Prof. Mario Puddu.

Comunu de Arresi: Su Comunu de Arresi fait sciri a totus is tzitadinus chi at organizau unu Cursu de Língua Sarda de I livellu e si arritzint is iscritzionis .Su cursu inghitzat su 1° de Cabudanni 2020,in su Tzentru de Agregatzioni Sotziali, in bia G. Mariano, a is cuatru e mesu de a merí (16.30). Su cursu est de 35 oras pretziu in 11 letzionis de 3 oras donniuna e una de 2 oras. Is letzionis ddas fait Prof. Mario Puddu.