Comunu de Santu Antiogu: Cenàbara 20 de Meseidas, nc'est sa presentada de su líbburu "Il Paese dei Cuori" a sa preséntzia de is autoris, Dot. Roberto Tumbarello e sa Dot.ra Sabrina Montis. Non est fàtzili spricai a is pipius is cardiopatias cungénitas (difetus averiguaus fatuvatu in su períodu innantis de sa nàscida) , ma su diretori de su repartu de Cardiologia Pediatrica de s'Azienda Spidaliera G. Brotzu de Casteddu, Dot. Tumbarello e is chi trabballant cun issu nci funt arrannéscius.

Comunu de Pabillonis: Fonti: La Gazzetta del Medio Campidano: In ocasioni de is festas de Paschixedda, s'Amministratzioni Comunali de Pabillonis, imparis cun is assótzius, sa parróchia, is atividadis produtivas, is artesanus e is obbistas localis, at programmau una lista longa de acontéssius. Aberrit is manifestatzionis sa presentatzioni de su  romanzu de Stefano Cruccas "Il Canto del Nuraghe", chi si fait su 13 de Meseidas.

Comunu de Gùspini: "L'Adolescenza tra ribellioni e silenzi", cuferéntzia educativa chi interessat a  is babbus e mammas e a  totu sa comunidadi educanti, a incuru de su "Centro Crea" , condúsia de Lorenzo Braina. Sa cuferéntzia educativa arrexonat de is crisis evolutivas  mannas e piticas chi su piciocheddu e sa famíllia cosa sua podint passai.

Comunu de Biddacidru: Fonti: La Gazzetta del Medio Campidano: Unu spetàculu spassiosu po nci passai unu merí spetziali. S'atóbiu est sàbudu 14 de Meseidas, a is ses e mesu de a merí (18.30), in s'oratóriu San Giovanni Bosco, in bia Asproni.

Comunu de Mandas: Unu biaxi in is saboris de s'ierru, intra de arti, costumàntzias e cultura, chi si fait su 15 de Meseidas 2019.

Comunu de Seddori: Fonti: La Gazzetta del Medio Campidano: Sa "Casa della Musica" torrat a pigai colori cun sa gestioni noba, proponendi a is musitzistas e cantantis, professionistas e non, unu logu innui podi sonai e registrai is cantzonis e is videus musicalis cosa insoru.

Comunu de Igrèsias: Su de 9 Cunvénnius VDS Donatzioni e Bonucoru: "Diventa un Eroe". Cun una unidadi de sànguni, sarvas tres vidas.

Comunu de Gonnos: Fonti: La Gazzetta del Medio Campidano: Cenàbara 13 de Meseidas, a is ses de a merí, in sa Biblioteca Comunali de Gonnos nc'est sa presentada de su líbburu "Tra pietra e mare". Su líbburu est un'arregorta de contus de Arbus, Gonnos, Gùspini e Biddacidru.