Comunu de Serrenti: S’Amministratzioni Comunali de Serrenti at aprovau sa manifestatzioni culturali "Paschixedda a Serrenti 2019", ponendi a disponimentu unu contributu straordinàriu po organizai is atividadis. S'acontéssiu si fait de su 8 de Meseidas 2019 a su 7 de Gennaxu 2020.

Comunu de Carbònia: De su 14 a su 24 de Meseidas 2019 pratza Rinascita e bia Gramsci stràngiant sa de duas editzionis de "Natale Insieme", un'acontéssiu chi ocannu passau at fatu registrai unu grandu acunsentimentu de púbricu e s'apretziamentu de cuntzitadinus e bisitadoris.

Comunu de Santu Idu: Torrat s'atóbiu de non perdi "Aspettando il Natale 2019", oramai lómpiu a sa de 4 editzionis. S'acontéssiu inghitzat  sàbudu 14 de Meseidas 2019 e acabbat domínigu 12 de Gennaxu 2020.

Comunu de Biddesorris:Su Comunu de Biddesorris fait sciri a is tzitadinus chi in custu Comunu si fait su labboratóriu de Língua Sarda: "Fueddaiddu su Sardu" chi inghitzat lunis 23 de Meseidas 2019. Su labboratóriu est a indonu.

Comunu de Gùspini: S'Assessorau a is Servítzius Sotzialis, cun sa "coop. Laurus" chi amministrat su tzentru de Agregatzioni Sotziali organizat "aspettando il Natale". S'acontéssiu si fait su 12 de Meseidas de is cuatru de a merí (16.00) in is Domus a Corti.

Comunu de Arresi: Intra de su 12 e su 15 de Meseidas 2019 in Arresi si fait su festival tzinematogràficu "AngolAzioni", primu editzioni, organizau de su Comunu de Arresi imparis cun sa "Fondazione Paolo Cresci", Lucca, s'Istitutu de Cultura Italiana in Tunisi, sa Regioni Autònoma de Sardigna e s'Istitutu Cumprensivu "Taddeo Cossu". Si afrontat s'argumentu de is disterrus.

Comunu de Carbònia:  Cenàbara 13 de Meseidas 2019,in su Teatru Tzentrali de Pratza Roma, a is noioras mancu cuartu de a noti (20.45), Alessandro Vallin e Stefano Laconi funt is protagonistas de su spetàculu de su generi de su teatru cómicu-circensi, intitulau "Le Sommelier", organizau de su CEDAC cun s'agiudu de su Comunu de Carbònia.

Comunu de Arbus: Su Comunu de arbus, su 10 de Meseidas a is 11.00 (úndixi de a mengianu) in Pratza Mercau at prevídiu s'inauguratzioni de una panchina arrúbia.