Comunu de Orzai: Ddoi at tempus fintzas a su 30 de Donniasantu 2021 po abbisitai sa de "3 Biennalis de s'Intzisioni Italiana- Carmelo Floris" inghitzada in Orzai su 24 de Argiolas 2021. Funt binti is artístas cumbidaus po si cunfrontai asuba de sa técnica de sa xilografia. Po sceras e prenotatzionis de is abbisitas ghiadas tocat a cuntatai s'assistenti museali Lidia Siotto de sa "Cooperativa Agorà Sardegna". Tel. 366.46.25.022   e-mail: museocarmelofloris@gmail.com

Comunu de Igrèsias: Su Comunu de Igrèsias, alleau de sa Províntzia de su Sud Sardigna in su progetu "Sighidura de sa sperimentatzioni linguística", finantziau de sa Regione Autònoma de Sardigna cunformas a sa L.482/99 “Normas in matéria de amparu de is minorias linguísticas storícas” e a sa L.R. 22/2018, fait sciri a is tzitadinas e a is tzitadinus chi de su 5 de Donniasantu 2021 fintzas a su 16 de Meseidas 2022 est torra ativu s'Ufítziu de Língua Sarda.

Comunu de Musei: Su Comunu de Musei, alleau de sa Províntzia de su Sud Sardigna in su progetu "Sighidura de sa sperimentatzioni linguística", finantziau de sa Regione Autònoma de Sardigna cunformas a sa L.482/99 “Normas in matéria de amparu de is minorias linguísticas storícas” e a sa L.R. 22/2018, fait sciri a is tzitadinas e a is tzitadinus chi de su 4 de Donniasantu 2021 fintzas a su 15 de Meseidas 2022 est torra ativu s'Ufítziu de Língua Sarda.

Comunu de Teulada: Cun sa presèntzia de is autoridadis Tzivilis, Religiosas e Militaris, giòbia 4 de donniasantu 2021 si afestat sa giorronada de s’Unidadi Natzionali e de is fortzas armadas, e sa comemoratzioni de su centenàriu de sa traslatzioni de su mìliti ignotu.

Províntzia de su Sud Sardigna e Comunu de Teulada: Sa Províntzia de su Sud Sardigna, s'Ufítziu de Língua Sarda e su Comunu de Teulada ant organizau su labboratóriu culturali in Língua Sarda “Su pani” chi si fait su 6 e su 7 de Meseidas 2021, in sa Scola Elementari, in bia Cagliari 59. Po fai su labboratóriu funt stétias sceradas is classis 3^ e 4^ de sa Scola Elementari.

Comunu de Carbònia: Su Comunu de Carbonia, alleau de sa Províntzia de su Sud Sardigna in su progetu "Sighidura de sa sperimentatzioni linguística", finantziau de sa Regione Autònoma de Sardigna cunformas a sa L.482/99 “Normas in matéria de amparu de is minorias linguísticas storícas” e a sa L.R. 22/2018, fait sciri a is tzitadinas e a is tzitadinus chi de su 29 de Meseladàmini 2021 fintzas a su 16 de Meseidas 2022 torrat a inghitzai s'atividadi s'Ufítziu de Língua Sarda.

Comunu de Samassi: Su Comunu de Samassi, alleau de sa Províntzia de su Sud Sardigna in su progetu "Sighidura de sa sperimentatzioni linguística", finantziau de sa Regione Autònoma de Sardigna cunformas a sa L.482/99 “Normas in matéria de amparu de is minorias linguísticas storícas” e a sa L.R. 22/2018, fait sciri a is tzitadinas e a is tzitadinus chi de su 26 de Meseladàmini 2021 fintzas a su 22 de Dónniasantu 2022 torrat a inghitzai s'atividadi s'Ufítziu de Língua Sarda.

Comunu de Nuràminis: Sa Biblioteca Comunali de Nuràminis abetendi Halloween proponit po is pipius prus atrividus unas cantu ligiduras orrorosas.