Comunu de Teulada: Su 25 de Donniasantu, ai cincu de a merí (17.00), in sa Sala de is Cunferéntzias de sa Domu Baronali, nc'est sa presentada de su líbburu "Passava in bicicletta sotto la mia finestra" de Maria Teresa Casu.

Comunu de Teulada: In ocasioni de sa stasoni Atóngiu/Ierru 2019 - 2020, s'Amministratzioni Comunali organizat imparis cun s'assótziu culturali "Officinacustica"  una rassínnia de cincu spetàculus de música e teatru intitulada "Donne e Memoria" a inghitzai de su 24 de Donniasantu 2019.

Comunu de U Pàize: Si fait sciri chi lunis 25 de Donniasantu 2019, in su "ExMe", inghitzendi de is dexi e mesu de a mengianu (10.30), nc'est sa Giornada Mundiali Contras a sa Violéntzia asuba de is Fémminas.

Comunu de Santu 'Èngiu: Fonti: Sangavinomonreale.net -Su 24 de Donniasantu in Santu 'Èngiu nc'est su de tres atóbius de su tziclu "Mulieres - Grazia e Coraggio": is percursus de "Mulieres" intra de is murales. S'Assessorau a sa Cultura e a is Paris oportunidadis de su Comunu de Santu 'Èngiu organizat una pedalada de "Mulieres tra i Murales" dedicaus a is fémminas, unu filu cundusidori po ammirai caras de fémminas mantzebas, líbberas e atrividas, rapresentadas de medas artistas chi si dedicant a sa "Street Art".

Comunu de Biddacidru: Su 24 de Donniasantu 2019 nc'est s'incingiadura de s'ammusta: " Madri Costituenti e Donne della Resistenza" chi si podit bisitai fintzas a su 29 de su mesi.

Comunu de Ussaramanna: Fonti: L'Unione Sarda - Pusticrasi in Ussaramanna is bisitadoris podint intendi su nuscu de sa castàngia arrustu in is bias de su tzentru stóricu. Ma podint tastai puru su binu de is cantinas de sa Marmilla e scoberri puru sa stória e is cumpeténtzias sa bidda. Sa rassínnia “Sapori d’Autunno”, atóbiu traditzionali de acabbu de annu in Ussaramanna, domínigu lompit a sa de 5 editzionis.

Comunu de Casteddu: Fonti: l'Unione Sarda - “Scirarindi”, cras e domínigu 24 de is 10 de a mengianu fintzas a is dexi de a noti (10.00 – 22.00), portat 280 espositoris in is localis de sa Fiera  in arburada Diaz, innui funt is espositzioni: prodotus, servítzius e connoscéntzias dedicaus a su benéssiri, a su bivi beni, a sa sustenibbilidadi ambientali, agrupastorali, económica e sotziali. Un’atóbiu chi, ocannu passau, at portau cuindiximilla pessonas.

Comunu de Samassi: Domínigu 24 de Donniasantu 2019, s'Amministratzioni Comunali de Samassi cumbidat sa tzitadinàntzia a pigai parti a sa manifestatzioni chi si fait in ocasioni de Sa Giornada Mundiali Contras a Violéntzia asuba de is Fémminas.