Comunu de Nuràminis: S'Amministratzioni Comunali de Nuràminis presentat sa Paschixedda Nuraminesa 2021. Unu calendàriu arricu de atóbius. 

Innoi assegus totus is acontéssius de custa Paschixedda organizaus paris cun is Assótzius.

Províntzia de su Sud Sardigna e Comunu de Serrenti: Sa Províntzia de su Sud Sardigna, s'Ufítziu de Língua Sarda e su Comunu de Serrenti ant organizau su labboratóriu artísticu – culturali in Língua Sarda “Is Puponis” chi si fait su 17 e su 18 de Meseidas 2021, in su Tzentru Polivalenti de bia Fara in Serrenti. Po fai su labboratóriu est stétia scerada sa classi 5^ B de sa Scola Elementari.

Comunu de Gùspini: Est incumentzada ufitzialmenti s’8 de Meseladàmini sa manifestatzioni "Paschixedda in Gúspini",chi biit unu calendàriu arricu de acontéssius in totu su tempus chi ant a durai is festas de Paschixedda chi cumentzat, cumenti eus giai nau, sa dii de s’Immaculada e acabbat su 7 de Gennaxu.

Comunu de Gùspini:Cenàbara su 10 de Meseidas a is 7 de a merí, in su tzentru policulturali de is Domus a Corti, cun su spetàculu musicali "Segnali di vita" si serrat s'editzioni 2021 de s' Autunno d'Autore.“Segnali di vita” est un’arregalu, e a su matessi tempus un’arregodu de su cantautori sicilianu Franco Battiato. 

Províntzia de su Sud Sardigna: Sa Províntzia de su Sud Sardigna  fait sciri a is tzitadinas e a is tzitadinus chi in su cuntestu de is atividadis culturali prevídias de su progetu "Sighidura de sa sperimentatzioni linguística" po s' annualidadi 2021, partítzipat a sa presentada de su de 3 líbburus "Sardisti. Viaggio nel Partito Sardo d'Azione tra cronaca e storia" de Salvatore Cubeddu chi si fait su 9 de Meseidas 2021, h. 16.30 (cuatru e mesu de a merí) in bia Marche 9, in Casteddu. Si podit sighiri puru in sa piataforma Zoom.

Províntzia de su Sud Sardigna: Sa Províntzia de su Sud Sardigna  fait sciri a is tzitadinas e a is tzitadinus chi in su cuntestu de is atividadis culturali prevídias de su progetu "Sighidura de sa sperimentatzioni linguística" po s' annualidadi 2021, partítzipat a sa presentada de su líbburu "Intragnas – Ite parimus?" de s'antopòlogu Bachisio Bandinu chi si fait su 8 de Meseidas 2021, h. 16.30 (cuatru e mesu de a merí) in bia Marche 9, in Casteddu. Si podit sighiri puru in sa piataforma Zoom.

Comunu de Gùspini: Sa cumpangia teatrali Sa Làntia de Rio Murtas portat in scena sa cumédia in Língua Sarda "Brullas de stanghera" a incuru de Giuliana Zurru cun sa regia de Guido Cadoni. 8 de Meseidas, h. 18:00, Tzineteatru Murgia, in bia Pio Piras, in Guspini.

Províntzia de su Sud Sardigna : Sa Províntzia de su Sud Sardigna fait sciri a is tzitadinas e a is tzitadinus chi si arritzint is iscritzionis po su de 2 labboratórius de Língua Sarda "Prontu ses"  chi inghitzat su 13 de Meseidas 2021, h. 17:00 in sa piataforma Zoom. Po si iscriri ddoi at tempus fintzas a su 10 de Meseidas.