Comunu de Nuràminis: De su 26 de Meseladàmini 2021 fintzas a su 29 de Donniasantu 2022 est torra ativu s'Ufítziu de Língua Sarda.

Comunu de Ussaramanna: S'Amministratzioni Comunali tenit su prexu de cumbidai is tzitadinas e is tzitadinus a sa de 21 presentadas de sa grammàtica "Su Sardu Standard", cenàbara 29 de Meseladàmini 2021, h. 18.00 ( ses de a merí) in s'Ammassu béciu de su Trigu.

Comunu de Silìcua: Mércuris 27 de Meseladàmini sa Biblioteca Comunali de Silìcua stràngiat sa scritora Cristina Caboni po unu atóbiu dópiu: su primu po presentai: " Da quassù" riservau a is pipius a is 16.30, su segundu a is 18.00 po presentai s'ùrtimu romanzu cosa sua : "La ragazza dei colori".

Comunu de Santu 'Èngiu: Fonti: " Sangavinomonreale.net" : Lunis 18 de Meseladàmini est inghitzau "STAC! Festival /Edizione Zero" , su festival spartzinau dedicau a is stúdius de artista in Sardigna chi sighit fintzas a sàbudu 6 de Donniasantu. Su 29 – 30 de Meseladàmini, h. 17.30 – 20.30 si podit abbisitai su stúdiu de Daniela Frongia, in bia Ettore Majorana 13 in Santu 'Èngiu.

Comunu de Santu Idu: Is tzitadinas e is tzitadinus funt cumbidaus a pigai parti a is 4 atóbius de animatzioni territoriali chi su GAL SGT at organizau su 21, 22, 25 e 26 de Meseladàmini in Santu Idu, Pauli Gerrei, Gomajori e Brucei.

Comunu de Gùspini: Fonti "L'Unione Sarda": Inghitzat su 3 de Donniasantu su servítziu de doposcuola dedicau a is famíllias de Gùspini. Funt disponíbbilis 20 postus riservaus a is pipius de is elementaris e de is scolas médias. Is atividadis inghitzant mércuris e si faint de su lunis a su gióbia de is tres a is cincu de a merí (h. 15.00 – 17.00).Po informatzionis e prenotatzionis si podit mandai una "e-mail" a: vides.auxilum@gmail.com

Comunu de Biddanoa de Forru: Smart Cityness est unu festival chi proponit una visioni innovativa de su cuntzetu de territóriu e de tzitadinàntzia, una forma noba de relatzionis e coperatzioni locali. Lómpiu a sa de 8 editzionis, su progetu nascit po prumovi is innovatzionis sotzialis, is protzessus creativus e is progetus virtuosus de is territórius de sa Sardigna. In s'atóbiu de su 22 de Meseladàmini chi si fait in su Museu Tzívicu Archeológicu Genna Maria, h. 10:00 si arrexonat de "Transizione ecologica, Comunità energetiche, Economia Verde"

Comunu de Gonnos: Su Comunu de Gonnos partitzipat a sa 5 editzionis de sa "Camminata tra gli Olivi" chi at organizau sa "Associazione Nazionale Città dell'Olio". Sa manifestatzioni si fait in totu Itàlia su 24 de Meseladàmini 2021 e in is Comunus "Città dell'Olio". Sa caminada partit de sa localidadi Santa severa.