Comunu de Nuràminis: QUELLI DEL BALLO ASD est prexada de si fai sciri ca funt torraus a aberri is cursus de Ballu Latinu Americanu, Caraíbicu e de Ballu Sotziali po s’Annu Sportivu 2022\2023. Est possíbbili a s’iscriri Lunis su 12 e Cenàbara su 16 de Cabudanni in s’Àula Magna de su Comunu de Nuràminis (Ex Scola Média) in su gutureddu Madonna del Carmine, de is 5 a is 8 de a merii (17:00-20.00).

Comunu de Nuràminis: S’Amministratzioni Comunali de Nuràminis, paris cun su Sistema Bibliotecàriu Joyce Lussu, cumbidat totus is tzitadinus a partecipai a sa presentada de s’úrtimu líbburu de Francesco Abate “Il complotto dei Calafati” chi si fait cenàbara su 23 de Cabudanni a is 7 de a merii (19.00) in sa Domu Antiga in Pratza San Pietro n. 1.

Comunu de Arroli: Su 9, su 10 e s’11 de cabudanni si fait sa de VI editzionis de su Féstival Internatzionali de sa Tzivilidadi Nuràgica. Po àteras informatzionis tocat a castiai in su giassu: orroliarcheofestival.it  

Comunu de Igrèsias: Be Included! Est unu progetu chi tenit a tarea s’inclusioni sotziali chi bolit apoderai a is giòvunus, a is professionistas e no, in su campu de sa dantza.Be Included! Bolit agiudai a donai vida a una identidadi noa de s’oferta culturali de is tres Comunus chi ant pigau parti a s’arretza fata de s’Assótziu: Igrèsias, Sarrocu e Santu ‘Èngiu.

Comunu de Gùspini: Prus de 50 crésias de su Romànicu s’ant a podi abbisitai a indonu in custus duus finis de cida chi funt lompendi, 10 – 11 e 17 – 18 de Cabudanni. Intra custas 15 funt de sa Províntzia de Aristanis, scioberadas po s’initziativa nomenada “Is diis de su Romànicu”, in sa prima editzioni sua in su panorama de is acontéssius sardus. Su Comunu de Gúspini aberrit a su púbblicu sa Crésia de Santa Maria de Malta gràtzias a sa collabboratzioni de sa Parróchia su 18 de Cabudanni a mengianu de is 10 a sa una (10.00-13.00) e a merii de is 4 a is 7 (16.00-19.00)

Comunu de Sant' Èngiu: Fonti: "La Gazzetta del Medio Campidano": Sàbudu su 10 de cabudanni a is noi oras de noti (21.00), in su Teatru comunali de Santu ‘Èngiu, s’at a fai su spetàculu “Pss Pss” de sa cumpangia Baccalà aprontau e rapresentau de Camilla Pessi e Simona Fassari. Unu spetàculu chi amesturat brullas a giogus, is artistas de arruga.

Comunu de Sant' Èngiu: Fonti: "La Gazzetta del Medio Campidano": Sa de dexi rassinna teatrali de Santu ‘Èngiu, organizada de sa cumpangia Muredda, at otènnidu una resessida manna cun su contributu de s’assessorau a sa lìngua sarda de su Comunu e in collaboratzioni cun sa Fita (Federatzioni Italiana Teatru Amatoriali) Sardigna e sa Pro Loco. Sa rassinna est anadat beni meda siat po sa genti chi at partetzipau siat po su spàssiu chi at donau.

Comunu de Serrenti: «Jonathan Franzen says no», naràt Tom Gauld asuba sa tìrria contras is tecnològias noas e is social media po contu de su scritori statunitensi. Crossroads, s’ùrtimu romanzu de Franzen publicau de pagu de Einaudi in sa tradutzioni de Silvia Pareschi, no currit arriscus de custu tipu amostat cali siat sa dimensioni ideali de su scritori: sa contemporaneidadi benit lassada in foras, sa stòria ponit is arrèxinis in su perìodu de mòvida intra s’acabbu de is annus Sessanta e s’inghitzu de is Setanta e Franzen portat a innantis is punnas de sa scritura sua, est a nai sa riflessioni asuba sa crisi de sa borghesia e is frustratzionis de dònnia dì.