Províntzia de su Sud Sardigna: Sa Províntzia de su Sud Sardigna  fait sciri a is tzitadinas e a is tzitadinus chi in su cuntestu de is atividadis culturali prevídias de su progetu "Sighidura de sa sperimentatzioni linguística" po s' annualidadi 2021, partítzipat a sa cuferéntzia/dibbàtidu "Sa limba comenti s'ària chi respiraus", organiza de s'Ufítziu Stúdius "G.M.Angioy", chi si fait su 4 de Meseidas 2021, h. 10.00 in bia Marche 9, in Casteddu. Po donai sa possibbilidadi a totus is interessaus de partitzipai sa cuferéntzia si podit sighiri in sa piataforma ZOOM. Còrdinat is trabballus Prof. Mario Puddu.

Províntzia de su Sud Sardigna e Comunu de Seddori: Sa Províntzia de su Sud Sardigna e su Comunu de Seddori  faint sciri a is tzitadinas e a is tzitadinus chi si arritzint is iscritzionis po su labboratóriu artísticu - culturali in Língua Sarda "Is Puponis" po pipius de is 6 fintzas a 10 annus, chi si fait su 13 e 14 de Meseidas 2021, h. 15:00 – 18:00, in sa Bibblioteca Comunali de Seddori. Si podint iscriri non prus de 23 pipius.

Comunu de Gùspini: Sa Commissioni Ogualis oportunidadis de Gúspini, paris cun sa Biblioteca Sergio Atzeni – Sistema Bibliotecàriu Monti Linas - in s’àmbitu de is propostas previdias in ocasioni de sa Dí mondiali contras a sa violéntzia contras a is femminas at pentzau de realizai su progetu “Scaffale di Genere”.

Comunu de Nuràminis: In sa Dí Internatzionali contras a sa violéntzia contras a is fémminas, s’Amministratzioni Comunali de Nuràminis organizat duus momentus de cuncórdiu e reflessioni su 25 de Donniasantu a is 10,30 de a mengianu in Pratza Municípiu e a mericeddu a is 4,30 in Pratza Pertini in Biddarega, poita sa violéntzia, de calisisiat spétzia siat, est su sinnali prus mannu de su degradu de s’ómini. Sa populatzioni est cumbidada a partecipai po nai totus impari ca BASTAT!

Províntzia de su Sud Sardigna: Sa Províntzia de su Sud Sardigna  fait sciri a is tzitadinas e a is tzitadinos chi si arritzint is iscritzionis po su labboratóriu  de língua sarda "Prontu ses? chi si fait in sa piataforma Zoom. Si arritzint is iscritzionis fintzas a su 30 Donniasantu 2021. Su labboratóriu si podit inghitzai scéti si si sodigat su númunu de 20 partitzipantis de asinuncas non si fait.

Comunu de Pabillonis: Su Sistema Bibliotecàriu ”Monte Linas” - Províntzia de su Sud Sardigna e sa Sisar s.a.s. proponint, in su de 700 anniversàrius de sa morti de su Poeta Mannu, unu cuncursu literàriu po pipius e piciocheddus de is scolas primària e segundària de primu gradu de is Comunus chi faint parti de su Sistema cun su títulu “Con Dante, dalla selva oscura al Paradiso”

Comunu de Gùspini: Su Tzentru de Agregatzioni Sotziali de su Comunu de Gúspini paris cun sa Cooperativa AlfaBeta organizat una cassa a su scusórgiu po piciocheddus e piciocheddas chi tenint de is 11 a is 14 annus.

Comunu de Serramanna: Su Grupu Archeológicu Perdafitta cun s’amparu de s’Amministratzioni Comunali de Serramanna cumbidat a chini est interessau a sa presentatzioni de sa “Stele di Basilius”, su 13 de Donniasantu 2021 a is oras 17.30 in sa Sala de is Riunionis in su Cursu Repubblica n. 12.